Skagafjarðarrall... Loksins kom Bloggið :D

Þá er loksins komið að því. SKAGAFJARÐARRALLIÐ

 

Það hlaut að koma að því!!!!

Fyrsti sigur TEAM SEASTONE í sumar í 2000 Flokki.  Og ekki slæmt að ná því í einu skemmtilegasta rally sumarsins.  

Ekið var Mælifellsdalinn 4 sinnum og svo innanbæjarleið 2 sinnum.  Fyrsta rallið þar sem allt gekk nánast áfallalaust hjá bræðrunum á Focus.  Allt virkaði vel og vorum við vel undirbúnir fyrir nánast allt.   Þetta rall nánast vannst á fyrstu 2 leiðunum á Mælifellinu.  Mikið gap myndaðist eftir að þeir bræður óku mjög vel og ákveðið.  Eftir það var aðeins slakað á til að halda bílnum heilum fyrir innanbæjarleiðina.  Og gekk það mjög vel fyrir utan að hægra framdekkið losnaði aðeins í átökum þegar þeir lentu á stórum steini. En ekkert til að hafa áhyggjur af.  Til þess er nú topplyklasettið til ;) .   

Að mínu mati eitt flottasta stökk sem myndað hefur verið af þessum bíl í sumar. Tekin af Elvari(Elvaro). Og efri myndina tók hún Gerðaokkar :D .

Innanbæjar leiðin var virkilega flott og góður staður fyrir áhorfendur.  Allir sáu bílana lengi og allir voru mjög ánægðir með leiðina(Afþeim sem ég talaði við:)).  Vel merkt fyrir Ökuþóra og Co-ara.  Og skemmtileg að keyra. 

 Verðlauna afhendingin fór fram á einhverjum stað í bænum og var það mjög flott og snyrtilega til höfð afhending.  svo var ball um kvöldið með "Heimsfrægu"Bandi(hér á Íslandi) BUFF.  Djammað var framm á rauða nótt á tjaldsvæðinu við sundlaugina og farið á hestbak(Fyrir þá sem sáu ekki...  Þá er ég að tala um styttuna á tjaldsvæðinu :D ) og skálað svo fyrir rallinu. 

Frábært rall, frábært staff, frábærir ökumenn og aðstoðarökumenn, frábært fólk í servis hjá öllum, virkilega hjálpsamir allir, frábært veður, frábær staður, frábært ball, frábært djamm og gaman að sjá hvað allir eru svo góðir vinir í skóginum innan rallsins.

Team Seastone þakkar öllum sem komu að þessu rally og þeim sem kepptu fyrir yndislega helgi og sjáumst svo hress og kát í metþáttöku í alþjóðarallinu.

 Og munið að hafa ávallt beltin spennt og haldið glæfra akstri utan þjóðvega.

 Bkv: Guðmundur Orri Arnarson